How to organize your Make-Up #1

السلام عليكم 

اليوم جت ببالي فكره انو اوريكم طريقه لتنظيم الميك اب - ايوا ايوا برضو ميك اب هههه - المهم انا رح انزل سلسله طويله في هالموضوع

ولكن رح تكون كل طريقه منفصله في موضوع لحالها ، انا من محبين افكار التنظيم الغير تقليديه ، 

ومع كثره الميك اب الي صار عشق في الاونه الاخيره عندي ، كثرت الحوسه وووجب الترتيب 

طبعا حاليه انا اجهز غرفتي الجديده وما رح اقدر اوظح لكم كل الاشياء الا اذا استقريت ان شاءالله 

ولكن حاليه حابه اوريكم فكره انا ارتحت لها ، مو مكلفه وجميله وتنفع للبنات الي يحبون المكياج اليومي على التسريحه 

عشان يصير سهل توصلين له 

انا اخزن مكياجي في مكان غير التسريحه لكن صار سالفه كل شوي اجيب الميك اب وارجعه ، فسويت هالفكره 

وحطيت فيها الاساسيات الي استخدمها يوميا فقط ، اما الشغلات الثانيه فبعدين رح اوريكم اياها زي ما قلتلكم 

قبل لا اعرض عليكم الفكره حابه اقولكم اني كنت ادور علي رفوف الاكريليك وتجي باشكال كثيره زي كذا 

بس اسعارها كانت جدا مكلفه خصوصا اني ما لقيتها هنا بعد ويبيلها شحن من برا 

انا ناويه عليها الله لا يعوق بشر في غرفتي الجديده ولكن هالفكره الي لقيتها جدا ممتازه وحلوه 

الفكره عباره عن علبه ساعات 

هذي العلبه خذتها من لايف ستايل سنتر بوينت واله ما اذكر سعرها بالضبط يمكن تقريبا ١٢٠-١٥٠ شي زي كذا

اما رفوف الاكريليك لقيتها مو ارخص من ٩٠ دولار يعني رح تصك ال٣٠٠ بالراحه  

المهم اني ما استخدمتها وجت في بالي استخدمها لتنظيم الميك اب 

زي ما انتوا شايفين 

قسمت كل قسم لشغلات معينه ومثل ما ذكرت هذي الاشياء الي استخدمها باستمرار فاتكاسل افتح الدروج والصناديق وانزل كل شوي واحوس تسرحيتي ، استخدم الي ابيه وارجعه مكانه وانتهينا 

نسيت اصورلكم الارواج بس وواظحه معكم اول قسم كان فيه الارواج ، وباليت من ميبلين عساس اني بجربه فحطيته هنا عشان اتذكر  ،

القسم الي على يساره شادوهات ماك ان شاءالله رح اسوي ريفيو وسواتشات عنها قريب ،

وهذا القسم فيه اثنين من شادوهات نيكس واثنين من ماك برضو ما كفوا اول قسم هههه 

وهنا حاطه الكونسيلر والهايلايتر 

البلشرات الخفيفه من نيكس 

البلشرز المعدني من ماك لاني ما استغنى عنهم ابدد !! ومثل ما انتاو شايفين برضو حطيت فاونديشن ريفلون لاني ابي اجربه وحطيته ابي اذكر وكذا 

وهنا قلوسات 

اكثر شي عجبني بالصندوق هو هالرف يالله ما تدرون قد ايش فك ازمه رتبلي اشياء كثير 

الماسكرات والكحل والايلاينرز وشغلات كثيره زي ما انتوا شايفين برضو في شغلات كثير ما استخدمها 

بس لقيتلها مكان قلت احطهم ، 

ان شاءالله تعجبكم هالفكره وتساعدكم فترتيب تسريحاتكم ، حلاة الافكار يوم تكون غير تقليديه وتطلعين منها بنتيجه

وفوق هذا مو مكلفه وتؤدي الغرض المطلوب منها تماما 

اشوفكم بافكار غير تقليديه جديده ان شاءالله :)