fashiondiary

اهلن 

هذا الاسبوع طلعت اكثر من مره السوق فحابه اوريكم الشغلات الي شريتها 

ورح اذكرلكم من اي محلات واذا ذكرت السعر رح اكتبه ، طبعا طلعالتي كلها كانت لعثيم مول الربوه 

اول شي لازم اشتريه من السوق هو الشوزات لاني اعشقققهم ولا اعتبر نفسي تسوقت الا اذا رجعت بشوز 

هذا الشوز يوم شفته مو بس تنحت! ما قدرت اطلع من المحل بدونه ، يالله قد ايش شيك ومريح باللبس مو مره طبعا بس بالنسبه لطوله وموديله ، الوانه تركب على ايييييييي شي واحس اني رح استفيد منه كثير 

شريته من محل باي ليس ، وكان يعره اتوقع ١٧٥ او حولها 

هذي صوره له من النت 

هذا الهيلز لقيته في مانقو ويشبه تبع زارا ، كنت ابي تبع زارا بس حسيته مره دارج عكس هذا 

فخم اكثر والحزام تبعه عريض وكششخه  سعره بعد التخفيض ١٨٠ وكان اتوقع ٤٠٠

هذي صوره له من النت طالع واو 

وهذا بلزر خذته من  مانقو برضو 

الي عجبني لونه لان ما عندي ابيض واقدر البسه عالجينزات او حتى اليقنز مرا شيك مع الاكسسوار المناسب يصير روعه  اتوقع سعره بعد التخفيض ١٥٠ وكان ٢٠٠

وهذا هو على كيت موس 

هذا الشيرت من نيولوك الوانه حلوه ومن ورا شيفون اسود ،وشريت عليه انفنتي سكارف  سعره ممم اتوقع ب ١٢٥ والسكارف والله مذكر ومافيني اروح اشوف ههههههه بس الاغلب انه حول ال ٦٠-٨٠ 

اما هالفيست الجمييل لقيته في جينيفر 

وخذت برضو واحد ثاني الفرو تبعه انعم واطول وينفع عالليقنز اكثر 

حبيت الاحزمه الي قدام فيه ولونه 

الاول سعره اتوقع ١٥٥ والثاني ٢٣٠ وكلهم من جينفر 

وهالقمصان برضو من جينفر كانوا مسوين عليهم تخفيض برضو  واحد ب ٧٩ والثاني ب ٥٩

مره حبيت الثاني واذكر اني شفت واحد يشابهله تقريبافي زارا 

وهذي الاكسسوارات الي شريتها السلسال والخاتم من نيو لوك برضو 

 والاسواره من كشك بالعثيم مول 

السلسال اتوقع ما بين ٣٠-٤٠

الخاتم يمكن ٢٥ 

والاسواره برضو ٢٥ 

هذي مشتريات الاسبوع بالاضافه للميك اب الي نزلت البوست تبعه قبل ،، 

اي سؤال  حطوه بكومنت 

ولا تنسون تتابعونا ^^

بباي